Кичә, Россия студентлары көнендә Казанда "Ел студенты - 2018" XIV студентлар премиясе җиңүчеләрен һәм лауреатларын бүләкләү тантанасы узды. Премия финалистлары арасында чаллылылар да 3 номинациядә тәкъдим ителде.
"Ел иҗат коллективы" номинациясендә премия нәтиҗәләре буенча КФУның Чаллы институтыннан "Сәйяр" иҗат коллективы җиңү яулады. Иҗади программа кысаларында ансамбль "Пирамида" мәдәни-күңел ачу комплексында бәйрәм сәхнәсендә чыгыш ясады.
Моннан тыш, "Ел студентлар проекты" номинациясендә Яр Чаллы дәүләт педагогика университетының "Игелек бүләк ит" проекты һәм КФУның Яр Чаллы институты спорт клубы "Елның студентлар спорт клубы" номинациясендә лауреатлар булды.
При использовании информации просьба ссылаться на Управление информационной политики и по связям с общественностью.
Шимбә, 26 гыйнвар 2019, 13:12