Яр Чаллыда туучылар саны үлүчеләр саныннан артып китә

2018 елда Чаллыда 7263 бала туды, бу 2017 ел дәрәҗәсеннән 1,5% ка кимрәк. Татарстан Республикасы буенча кимү 3,7 %ны тәшкил итә. Кимү темплары, алдагы ел белән чагыштырганда, сигез тапкыр диярлек кимегән. ЗАГС идарәсе башлыгы Равилә Зарипова «эшлекле дүшәмбе» киңәшмәсендә ел нәтиҗәләре буенча шәһәрнең гаилә-демографик хәле турында сөйләде.

Республика буенча уртача 1000 кешегә 12 туу турында акт туры килә. Шул ук вакытта Яр Чаллыда бу күрсәткеч – 13,6, бу Казаннан соң иң яхшы нәтиҗә. (Казан-16,9; Әлмәт - 12,3; Түбән Кама-11,2; ТР буенча уртача күрсәткеч – 12,0).

“Безнең шәһәр республикада туучылар саны үлүчеләр саныннан һәрвакыт артып киткән шәһәрләрнең берсе булып кала. 2018 ел нәтиҗәләре буенча халыкның табигый үсеше 2691 кеше тәшкил итте. ТР буенча-2021. Шунысын да билгеләп үтәргә кирәк, республикабыз Идел буе федераль округында табигый үсеш саклана торган бердәнбер төбәк”, - дип билгеләп үтте ЗАГС идарәсе башлыгы Равилә Зарипова.

Чаллының өч гаиләсендә өч игезәк бала, 112сендә ике игезәк бала дөньяга килгән. Соңгы 10 елда дөньяга килгән ике игезәкләрнең саны, ике тапкырга артты (2008 елда – 46, 2017 елда 98 пар). Чаллы гаиләләренең берсендә 13 нче бала туган. 2018 елда иң яшь әниләр-48 яшьлек хатын, ә иң яшь әти – 64 яшьлек ир-ат булды.

Малайлар өчен иң популяр исемнәр-Әмир, Тимур, Данил, Артем һәм Кәрим, кызлар өчен – София, Алиса, Ясминә, Әминә, Арина. Кайбер ата-аналар үз балалары өчен Лагерьта, Мишель, Сельвин, Зола, Виорика, Паулина, Серж, Азарий, Рагнар, Нәбил, Луис кебек сирәк исемнәр сайладылар. Кайбер ата-аналар балаларга икеләтә исемнәр кушуга өстенлек бирде.

2018 елда шәһәрдә 3432 никах теркәлгән, бу узган ел белән чагыштырганда 9,4%ка (358 парга) кимрәк. 2018 елда таркалган никахлар саны 3,2% ка кимеде һәм 2099% тәшкил итте.

Шуны да билгеләп үтәргә кирәк, ЗАГС идарәсе узган елда гражданлык хәле актлары язмаларының Бердәм дәүләт реестрын булдыру буенча масштаблы дәүләт проектында актив катнашты.