Яр Чаллы яшьләр сәясәте рейтингында өченче урынны били

 Казанда Татарстан Республикасы Яшьләр эшләре министрлыгы коллегиясенең киңәйтелгән утырышы узды "Чакырулар. Өстенлекле юнәлешләр. Механизмнар" форумы эшендә Татарстан Республикасы президенты Рөстәм Миңнеханов һәм яшьләр эшләре буенча федераль агентлык җитәкчесе Александр Бугаев катнашты. Татарстан Республикасы Яшьләр эшләре министры Дамир Фәттахов коллегиядә хәбәр иткәнчә, 2018 елда Татарстан яшьләре рекордлы суммага грантлар рәвешендә акча җәлеп иткән: «Без республикага җәлеп ителгән грантлар күләме буенча үстек. Узган ел Татарстанның яшьләр проектлары федераль конкурсларда 195 млн сумнан артык акча алды», - диде ул. «Яшьләр үсеше» грантлары конкурсы аеруча әһәмиятле булды, аның ярдәмендә Татарстаннан дистәләрчә яшь кеше 20 млн сумнан артык суммага авторлык проектларын гамәлгә ашыруга ярдәм алды, дип ачыклык кертте министр.

Дәүләт яшьләр сәясәтен гамәлгә ашыру буенча Россия төбәкләре нәтиҗәлелеге рейтингы тәкъдим ителде, аның нигезендә Татарстан Республикасы беренче урында тора. Татарстан Республикасы муниципаль берәмлекләренең яшьләр сәясәте рейтингы нигезендә, Яр Чаллы шәһәре 3 нче урынны били. 1 нче урынга Казан, 2 нче урынга Чистай лаек булды.