Яр Чаллыда халык белән традицион очрашулар дәвам итә

Шәһәр җитәкчелеге 50нче комплекс халкы белән очрашты. Чаллылылар белән чираттагы очрашу мэрның урынбасары Флера Андреева һәм Шәһәр Советы депутаты Олег Ершов катнашында узды. 

Очрашу Автозавод районы башлыгы Раушан Усманованың 2018 елдагы эшчәнлек турындагы доклад белән хисап тотты: "2018 елда яшьләр иҗтимагый оешмалары эшчәнлеген активлаштыру һәм укучыларның, студентларның район проектларында һәм чараларында катнашуы буенча яхшы нәтиҗәләргә ирешелде. Җәйге чорда 2,5 меңнән артык укучы эшкә урнаштырылды, 18 мәктәп яны лагере, 19 спорт мәйданчыгы һәм район территориясендә 5 ял мәйданчыгы оештырылды. Сәламәтләндерү һәм мәктәп яны лагерьларында 5 меңнән артык укучы ял итте".

Шәһәр Советы депутаты Олег Ершов узган елда башкарылган эшләр һәм 2019 елга бурычлар турында чыгыш ясады. "2018 елда 12 шәхси кабул итү уздырылды. Гражданнар хокукы буенча консультацияләр бирелде, 17 депутат таләбе эшләнде. Торак-коммуналь хуҗалык проблемаларына, аерым алганда,  фатирларны җылыту, кайнар су булмау, гражданнарның иминлеге, спиртлы эчемлекләр эчүне булдырмау, 50/01 һәм 50/02 номерлы йорт янындагы балалар мәйданчыгын модернизацияләү буенча мөрәҗәгатьләр килде", – диде ул үз докладында.

"Камстройсервис" эшчәнлеге турында компания җитәкчесе Сергей Клещев хисап тотты. "50 комплекс территориясендә капиталь ремонт эшләре дүрт торак йортта үткәрелде. Территория Советы белән берлектә «ЖЭУ-50» ҖЧҖ хезмәткәрләре тарафыннан торак йортның балалар һәм спорт мәйданчыкларында яңа элементлар урнаштырылды", - дип хәбәр итте ул.

Шулай ук катнашучылар «50 комплекс» ТИҮ рәисе Гөлфия Галимованың узган елдагы эш нәтиҗәләре турындагы чыгышын тыңладылар. Ул 2018 елда территория Советы «Татарстан Республикасы Елның иң яхшы территориаль иҗтимагый үзидарәсе» республика конкурсында катнашты, анда 2 урын алды, дип билгеләп үтте. Грант суммасы 500 мең сум тәшкил иткән. Әлеге акчага 50/01 һәм 50/02 торак йортлар арасында балалар мәйданчыгы куелган. Шулай ук ТИҮ "Күңелле шәһәрчек" проекты белән шәһәр территориясен төзекләндерү һәм яшелләндерү буенча шәһәр конкурсында 1 урынны яулаган. Откан 300 мең сумга 50/01 һәм 50/02 торак йортлар арасында балалар уен комплексы урнаштырылган.

Очрашу нәтиҗәләрен Флера Андреева җиткерде, шәһәр җитәкчелеге һәм Наил Мәһдиев исеменнән чаллылыларга шәһәр тормышына битараф булмаган мөнәсәбәте һәм гомумән актив катнашулары өчен рәхмәт белдерде.