Чаллыда ачык һавада фотокүргәзмә ачылды

Яр Чаллыда беренче тапкыр Рус география җәмгыятенең «Иң матур ил» Бөтенроссия фотоконкурсының фотокүргәзмәсе ачылды. Экспозиция Габдулла Тукай исемендәге яр буенда ял итү зонасының яктырту инсталляциясе территориясендә урнашкан.

«Без Татарстанда беренче тапкыр нәкъ менә Чаллы дөньякүләм масштабтагы фотокүргәзмәне кабул итүенә шат. Нәкъ менә шул проект Рус география җәмгыятенең җирле бүлеген шәһәребездә «Иң матур шәһәр» дигән шундый фотоконкурс оештыруга этәрде. Масштаблар, әлбәттә, чагыштырырлык түгел, ләкин без Чаллы тормышы белән бәйле фотосурәтләрнең иң уникальләрен җыйдык. Бу юнәлештә эшләү идеясе матурлык, патриотизм һәм Ватанга мәхәббәт хисләре тәрбияләүдән гыйбарәт», – дип уртаклашты  Рус география җәмгыятенең җирле бүлекчәсе рәисе Сергей Кулиш.

Илнең иң яхшы фотографларын берләштерергә тиешле фотоконкурс 2015 елда игълан ителгән иде, ул чакта бөтен дөньядан 25 мең фотограф катнашты, 200 меңгә якын фотосурәт җыелды. Иң өлкән катнашучыга-98, ә иң кечкенәсенә-нибары дүрт яшь иде. Конкурс җәмәгатьчелектә зур кызыксыну уятты һәм ел саен уздырыла башлады. Бүген мондый экспозицияләр Италия, Германия һәм Словениядә җәелдерелде.

«Иң матур ил» IV фотоконкурсның иң яхшы эшләре күргәзмәсе 2019 елның 6 апреленә кадәр дәвам итәчәк.