Автокала студентларына контракт хезмәте шартлары турында сөйләделәр

Татарстан Республикасы Хәрби комиссариаты һәм Яр Чаллы федераль университетының чыгарылыш курсларында белем алучы студентларга контракт хезмәте турында сөйләделәр. Очрашу КФУның Яр Чаллы филиалы уку-китапханә комплексының актлар залында узды. Студентлар белән аралашканда, контракт буенча хәрби хезмәткә сайлап алу пунктыбашлыгы, подполковник Виталий Елагин контракт буенча хезмәт итүнең отышлы шартларын билгеләп үтте. Бу тулы социаль яклау һәм тәэмин итү, лаеклы хезмәт хакы, РФ Кораллы Көчләре сафларында карьера үсеше һәм пенсиягә иртә чыгу мөмкинлеге.

Моннан тыш, югары уку йортын тәмамлаган һәр укучы вакытлыча армия хезмәте урынына контракт хезмәтен сайлый ала. «Хезмәт итәргә чакыру буенча китүче егетләр өч айдан контракт төзи алалар, аларда хезмәт итү шартлары кызыксыну уята. Кайберәүләр безгә чакырылыш буенча хезмәт иткәннән соң дакилә әле», - дип сөйләде Виталий Елагин.

Хәрби хезмәткәрләр өч, биш һәм ун елга контракт төзи алалар.  Аларның хезмәт хакы 20 мең сум тәшкил итә. Хезмәт процессында ул яңадан әзерлек узгач һәм югарырак вазифаларны биләгәч, акча 45-50 мең сумга кадәр күтәрелә. Моннан тыш, контракт буенча хезмәт үтү гаскәрләр төрен һәм хезмәт урынын сайлау мөмкинлеге бирә.

«Татарстанда яшәүче егетләр Россиянең бөтен территориясе буенча хәрби частьләрдә контракт төзи ала. Аларның белемнәренә, әзерлекләренә карап сайлау хокукы бар. Егетләр Курил утрауларында да, Сахалинда да, Кырымда да, Кораллы Көчләрнең төрле төрләрендә хезмәт итәләр. Күпләр Самара, Оренбург, Чиләбе өлкәләрендә контракт буенча хезмәт итүне сайлыйлар», – дип аңлатты контракт буенча хәрби хезмәткә сайлап алу пункты башлыгы, подполковник Виталий Елагин.

Ел саен Татарстаннан контракт нигезендә хезмәткә 500дән 1000гә кадәр кеше җибәрелә, шуларның 100е чаллылылар. 2012 елдан бирле Татарстаннан контракт буенча хезмәткә якынча сигез мең кеше кабул ителгән.

Очрашу барышында студентлар хәрби комиссариат вәкилләренә сораулар бирә алдылар.