ИТ-парк резиденты Альберт Мөбәрәкшинның проектын КАМАЗда кулланырга ниятлиләр. Чаллы егете ilean PRO җитештерү һәм персонал белән идарә итү өчен вакытны экономияләүнең инновацион санлы системасын эшләгән. Программаны пилот рәвештә гамәлгә кертү март аенда Тимерчелек заводының иң мөһим цехларының берсендә башланачак. Альберт Мөбәрәкшинның , аның ярдәмендә теләсә кайсы предприятиедә эшләрне планлаштыру һәм диспетчерлау процессларын тизләтергә мөмкинлек бирүче хезмәте белән, КАМАЗ узган елның көзеннән үк кызыксына. Ул вакытта Россия президентының вәкаләтле вәкиле Игорь Комаровның һәм Татарстан Республикасы президенты Рөстәм Миңнехановның ИТ-паркка визиты кысаларында, делегация Альберт Мөбәрәкшинның презентациясен тыңлаган иде. Инновацион эшләнмә "КАМАЗ" ГАҖ генераль директоры Сергей Когогинда зур кызыксыну уятты. Алга таба фикер алышу барышында Тимерчелек заводында iLean PRO системасы эшен сынап карау турында Карар кабул ителде. Процесста бизнес-процессның критик мөһим этапларында 15 эш урыны җәлеп ителәчәк: мастерлар, көйләүчеләр, тимерчеләр, ОТК контролерлары, шулай ук эш циклында катнашучы хезмәтләр. Һәр кеше эш смартфоны яки планшет алачак, анда iLean PRO системасы урнаштырылачак.
Коммуникациянең яңа форматына эшчеләр март аенда күчәчәк. Бу очракта система уңышлы кулланылса, ул автогигантның башка бүлекчәләренә дә кертеләчәк. Җитештерү системасын үстерү комитеты һәм кою заводы аның эше белән кызыксынды инде. Бүгенге көндә инновацион эшләнмәне Кама аръягы сәнәгать һәм транспорт предприятиеләре үз эшендә кулланалар.
Альберт Мөбәрәкшин Яр Чаллыда ИТ-парк Бизнес-инкубаторын тәмамлаган. 2016 елда ул iLean PRO вакытын экономияләү системасын булдыру идеясе белән сайлап алынды. Биредә ул команда туплады, продукт эшләде, грант һәм инвестицияләр җәлеп итте, шулай ук беренче клиентларын да тапты.
При использовании информации просьба ссылаться на Управление информационной политики и по связям с общественностью.
Пәнҗешәмбе, 21 февраль 2019, 14:18