Автокалада Татарстан Республикасының иҗтимагый киңлекләрен үстерү программасы кысаларында паркны төзекләндерү турында иҗтимагый фикер алышу булды. Кич белән 18нче мәктәптә архитекторлар, администрация вәкилләре һәм битараф булмаган чаллылылар җыелышты.
«Соңгы елларда шәһәр тормышына кагылышлы барлык мөһим проектларыбызны иҗтимагый фикер алышуларга чыгару традициягә әверелде. Бу Татарстан Республикасы өчен норма һәм кагыйдә, шул исәптән ярым миллион халкы булган Яр Чаллы шәһәре өчен дә. Бүген сезгә билгеле урын – Гренада паркы фикер алышуга чыгарыла. Без бүген яшьләрдән дә, тормыш тәҗрибәсе туплаган өлкәннәрнең дә фикерен ишетергә теләр идек. Компаниягә безнең чакыруны хуплаган Мәскәү егетләренә рәхмәт әйтәсем килә. Аларны Наталья Львовна Фишман чакырды. Без Татарстан Республикасы президенты ярдәмчесенә әлеге процессларда актив катнашканы өчен рәхмәт белдерәбез», - дип катнашучыларны сәламләде шәһәр мэры Наил Мәһдиев.
Чакырылган экспертлар сүзләренә караганда, парк территориясендә билгеле бер куллану сценарие барлыкка килгән, шуңа күрә төп бурыч паркка килүчеләр мәнфәгатьләрен берләштерү һәм барлык нечкәлекләрне исәпкә алу.
“Территория кызыклы һәм зур. Хәзерге рельеф махсус әзерлек таләп итми торган кызыклы спорт элементлары ясарга мөмкинлек бирә”,- дип сөйләде проект кураторларының берсе, паркта памп-трек урнаштырырга тәкъдим итеп.
Чаллылылар да булачак паркны нинди итеп күрергә теләүләре белән уртаклаштылар. Шулай итеп, тәкъдимнәр арасында граффити өчен махсус дивар, вело - һәм мототриал зонасы, воркаут өчен спорт элементлары булган мәйданчык һәм башкалар бар иде.
“Гренада, барыннан да элек, футбол өчен үзенә тартып тору урыны булып. Без, һичшиксез, барлык тәкъдимнәрне исәпкә алырга, проектка кертергә тырышачакбыз. Сезнең һәм хезмәттәшләрегез ярдәме белән проект яхшы булыр дип уйлыйм”, – дип йомгак ясады Наил Мәһдиев.
Шуны да билгеләп үтәргә кирәк, бу-быел Чаллыда узган иҗтимагый фикер алышу. Бер көн элек чаллылыларга ГЭС бистәсендә мәдәният һәм ял паркын ничек күрергә теләүләре белән уртаклашырга тәкъдим иттеләр. Халык тыңлаулары нәтиҗәләре буенча архитекторлар өчен проектлау биреме формалаштырылачак.
При использовании информации просьба ссылаться на Управление информационной политики и по связям с общественностью.
Җомга, 22 февраль 2019, 09:52