Җиңү паркы мемориаль комплексы янында яу кырында һәлак булган солдатларны искә алдылар 

Автозавод районының Җиңү паркы мемориаль комплексы янында Бөек Ватан сугышы ветераннары, тыл хезмәтчәннәре, отставкадагы офицерлар, мәктәп укучылары, район активы катнашында Ватанны саклаучылар көненә багышланган тантаналы чара узды. Мактаулы Хәтер вахтасын 49нчы мәктәп кадетлары саклады. Сәламләү сүзе белән җыелучыларга ТР Дәүләт Советы депутаты Илдар Шамилов мөрәҗәгать итте: "Бүген без һәлак булганнар истәлегенә баш иябез. Бу көн барыбыз өчен дә батырлык, Бөек Ватан сугышыннан соң туган буын рухының бөеклеге һәм көче символы. Сугыш юллары үткән һәм туган йортына әйләнеп кайтмаган, намус, бурыч, Ватан өчен гомерен кызганмаганнар истәлеге".

Тантанага җыелучыларны шулай ук ук Автозавод районы администрациясе башлыгы Раушан Усманова, шәһәр Советы депутаты Виктор Поляков һәм Автозавод районының Ветераннар советы рәисе Любовь Ходаковская да котлады.

Һәлак булган солдатларны бер минут тынлык белән искә алдылар. Чара ахырында шәһәребезнең Үзәк һәм Автозавод районнары хәрби комиссары урынбасары, майор Рәмзи Матросов һәм «Сугышчан туганлык» Бөтенроссия ветераннар иҗтимагый оешмасының Татарстан төбәк бүлеге Чаллы бүлекчәсе җитәкчесе Рафис Галиуллин, ветераннар һәм кадетлар  һәйкәлгә чәчәкләр куйдылар.