1 март көнне Тарихи-туган якны өйрәнү музеенда "Кама музе" ачыла. Коллекциядә - Чулман ярында җыелган минерал һәм тау токымнары: яшма, кварцит, сердолики, цитрина, агат һәм елга яр буенда очраган башка күп кенә ташлар һәм төрле формадагы агач кайрылары тәкъдим ителә.
Экспозицияне оештыручы - галим-геолог Владимир Марченко. 40 елдан артык ул файдалы казылма ятмаларын өйрәнү белән профессиональ рәвештә шөгыльләнә һәм параллель рәвештә коллекция җыя. Геологның бу инде өченче авторлык музее. Беренчесе 1978 елда Үзбәкстанда геологик экспедицияләрдән соң икенче тапкыр ачыла. "Кама музее" бүгенге көнгә кадәр галим йортында булды.
Күргәзмәдә берничә бүлек тәкъдим ителде: "Җанлы ташлар", "Кама асылташлары", персонажлар һәм сюжет линияләре булган "Каманың гаҗәеп ташлары", мәзәк композицияләр белән сугарылган "Чаллы үрдәкләре", "Кама төбендә" һәм борынгы тормыш мотивлары белән "Палеонтология".
Күргәзмә 1 марттан 9:00 сәгатьтән 17:00 сәгатькә кадәр ялларсыз эшләячәк. Музейда шулай ук ташка язу буенча мастер-класслар үткәрергә планлаштыралар.
При использовании информации просьба ссылаться на Управление информационной политики и по связям с общественностью.
Җомга, 1 март 2019, 13:30