Наил Мәһдиев Чаллы синхрончылары белән очрашты

Шәһәр мэры Наил Мәһдиев Чаллы спортчылары белән очрашты, алар халыкара ярышларда югары казанышлар күрсәттеләр. Әйтик, «Дельфин» спорт мәктәбендә шөгельләнүче Анна Гордеева һәм Артур Коршунов, яшүсмерләр арасында Россия беренчелегендә көмеш призер булдылар һәм синхрон йөзү буенча Россия Федерациясе спорт җыелма командасы составына кертелделәр.

«Сез Чаллы шәһәре һәм республиканың гына түгел, ә ил данын яклаячаксыз. Без Чаллы егет - кызларының тырышлыклары, ныклыклары, таланты аркасында югары әзерлек дәрәҗәсен күрсәтүе белән горурланабыз», - дип сәламләде спортчыларны мэр.

Йөзүчеләр шәһәр башлыгына көн саен сигез сәгатьне тренировкаларда уздырулары турында сөйләделәр. Дәресләр «Альбатрос» бассейнында уза. Сүз уңаеннан, 5нче мәктәптә укучылар спорт мәктәбе янында укыйлар. Башкарма комитет Җитәкчесе урынбасары Рамил Хәлимов билгеләп үткәнчә, спортчылар махсус классларда белем алалар, аларда укучыларның спорт йөкләнеше исәпкә алына.

Шунысын да билгеләп үтәргә кирәк, Анна Гордеева белән Артур Коршунов парлап та, шәхси зачетның төрле дисциплиналарында да чыгыш ясый. Йөзү белән алар алты яшьтән инде ун ел шөгыльләнә. Хәзерге вакытта Артур Коршунов республикада бердәнбер синхрончы.

Наил Мәһдиев спортчыларга шәһәрнең спорт тормышында актив катнашулары өчен рәхмәт белдерде һәм уңышлар, яңа җиңүләр теләде.

Якын арада Чаллы синхрончылары Мәскәү өлкәсенә юл тотачак, анда Россия Федерациясе яшүсмерләр спорт җыелма командасының өлкән тренеры Наталья Мендыгалиева җитәкчелегендә шөгыльләнәчәкләр. Апрель аенда чаллылылар Казанда синхрон йөзү буенча Россия чемпионатында Татарстан Республикасы данын яклаячак.