ТР Чаллы шәһәре буенча Россия Федераль салым хезмәте инспекциясе хәбәр иткәнчә, 2019 елның 1 гыйнварыннан «Профессиональ керемгә салым» дигән махсус салым режимын билгеләү буенча федераль дәрәҗәдәге Мәскәү шәһәре, Мәскәү һәм Калуга өлкәсендә, шулай ук Татарстан Республикасында эксперимент үткәрү турында» 2018 елның 27 ноябрендәге 422-ФЗ санлы Федераль закон үз көченә керде. Шул ук вакытта салым ставкалары - 4% физик затларга хезмәт күрсәткәндә һәм 6% - юридик затларга һәм шәхси эшмәкәрләргә иң түбән дәрәҗәдә булу күзәтелә.
2019 елның 1 гыйнварыннан физик затлар, шул исәптән шәхси эшмәкәрләр, «Профессиональ керемгә салым» дигән яңа махсус салым режимын ирекле рәвештә кулланырга хокуклы. Бу салым режимының өстенлекләре шактый. Салым түләүчегә хисап тапшырырга кирәк түгел, бухгалтерлык исәбен алып бару зарурлыгы юк – салым органы бер айдан соң түләнергә тиешле салым суммасын үзе исәпли һәм мобиль кушымта аша хәбәр итә. Моннан тыш, һөнәри керем салым түләүчеләр контроль-касса техникасын кулланудан азат ителгән.
Хәзер «минем салым» мобиль кушымтасы эшләтеп җибәрелде, аның ярдәмендә профессиональ керемгә салым түләүче сыйфатында максималь рәвештә теркәлергә, исәп-хисап ясарга һәм салымнар түләргә күпкә уңайлырак. Чаллылыларга профессиональ керемгә салымның махсус салым режимын куллануның өстенлекләрен бәяләргә тәкъдим итәләр, ул бизнесны легаль рәвештә алып барырга һәм профессиональ эшчәнлектән табыш алырга, законсыз эшмәкәрлек эшчәнлеге өчен штраф салырга мөмкинлек бирә.
2019 елның 1 мартына булган мәгълүматларга караганда, Чаллының 700дән артык салым түләүчесе махсус салым режимын куллануга күчәргә теләк белдергән һәм исәпкә баскан.
При использовании информации просьба ссылаться на Управление информационной политики и по связям с общественностью.
Пәнҗешәмбе, 14 март 2019, 15:17