Яр Чаллыда гомуми белем бирү оешмалары командалары арасында шахмат буенча «Ак Ладья» республика беренчелеге тәмамланды.
Ярыш нәтиҗәләре буенча турнирда Яр Чаллы шәһәренең 26 нчы гимназия командасы җиңү яулады, икенче урында – Яшел Үзән шәһәренең 3 нче гимназиясе, өченчедә – Түбән Кама шәһәренең 10 нчы мәктәбе.
Турнирда республиканың 9 шәһәреннән һәм районыннан 40 иң көчле яшь шахматчы катнашты (Казан, Яр Чаллы, Түбән Кама, Әлмәт, Яшел Үзән, Баулы шәһәрләре, шулай ук Актаныш, Саба һәм Тукай районнарыннан). Ярышлар «Этюд» балалар-яшүсмерләр спорт мәктәбендә узды.
Җиңүче команда июнь башында Сочида (Дагомыс) узачак «Ак Ладья» шахмат буенча Бөтенроссия ярышларына барачак. Иртәгә, 7 мартта, Халыкара хатын-кызлар көненә багышланган хатын-кызлар арасында шахмат буенча шәһәр блиц-турниры узачак. Чара 18:00 сәгатьтә башлана.
При использовании информации просьба ссылаться на Управление информационной политики и по связям с общественностью.
Чәршәмбе, 6 март 2019, 09:29