Яшь чаллылылар космонавтика музеенда булдылар

Яшь чаллылылар планетаның беренче космонавты Юрий Гагаринның тууына 85 ел тулуга багышланган Бөтенроссия проектында катнаштылар. "Ышаныч" үзәгенең гаиләгә һәм балаларга социаль ярдәм бүлекчәсендә социаль хезмәтләр алучы 79 балигъ булмаган бала Россия яшь рәссамнары сәнгать конкурсының беренче этабына 90нан артык эш тәкъдим итте. Әлеге учреждениедә яшь рәссамнарның иҗат җимешләре күргәзмәсе оештырылды, анда алар үз күзаллауларын ерак һәм серле космос белән бәйләгән.

Шулай ук балалар 3 нче мәктәптә урнашкан космонавтика музеенда да булдылар. Музей җитәкчесе балаларга космосны үзләштерү, кешелекнең фәнни-техник прогрессында зур роль уйнаган кешеләр турында сөйләде. Экскурсантларны бигрәк тә безнең республика белән бәйле кайбер космик фактлар гаҗәпләндерде. Кунаклар Юрий Гагаринның биографиясе белән таныштылар, музей экспонатларын бик теләп карадылар, кайберләрендә терм шлем, шлемофон, кояш радиациясеннән күкрәкне саклагыч җайланмасы һәм космонавтларның коткару жилеты кызыксыну уятту.