15 һәм 16 мартта «Саулык» сәламәтләндерү комплексының «Йолдызлы» балалар лагере базасында ел саен уздырыла торган КАМАЗ ААҖ яшьләр машина төзелеше форумы узачак. Форумда машина төзелеше өлкәсе предприятиеләренең актив, максатчан эшләүче яшьләре катнашачак. Оештыручылар билгеләп үткәнчә, быел катнашучылар саны ике тапкыр арткан. Шуңа күрә форумда чаллылылар гына түгел, бөтен республика предприятиеләре яшьләре дә актив катнашачак. Бу яшь кешеләр өчен үзләре турында белдерү, яңа кешеләр белән танышу, фикердәшләр табу һәм тәҗрибә уртаклашу өчен уникаль мөмкинлек.
КАМАЗ яшьләре - компаниянең стратегик активы. "КАМАЗ" ААҖ корпоратив яшьләр сәясәтен гамәлгә ашыру кысаларында яшьләр потенциалын активлаштыруга, яшь хезмәткәрләрне үстерү өчен кирәкле шартлар булдыруга һәм аларны тулаем ил һәм машина төзелеше өлкәсе алдында торган кызыклы, масштаблы, социаль әһәмиятле бурычларны хәл итүгә тартуга юнәлдерелгән эш алып бара.
Форум программасында тренинг, нетворкинг, интеллектуаль уеннар һәм предприятиеләрнең яшьләр лидерлары белән аралашу каралган.
При использовании информации просьба ссылаться на Управление информационной политики и по связям с общественностью.
Пәнҗешәмбе, 14 март 2019, 16:29