Чаллылылар «Ел казанышлары – 2018» Республика премиясе җиңүчеләре булдылар

Кичә Казанда "Ел казанышлары – 2018" һөнәри белем бирү оешмаларының студентлар үзидарәсе органнары арасында III Республика премиясе җиңүчеләрен һәм призерларын бүләкләү тантанасы узды. Чаллы студентлары конкурсның финалында 9 номинациядә (13 студент) тәкъдим ителде. Финалга чыгучыларга ярдәм итү өчен Казанга 43 кешедән торган төркем килде.

Бүләкләү тантанасында Татарстан Республикасы Яшьләр эшләре министры Дамир Фәттахов, Татарстан Республикасы Дәүләт Советы Рәисе урынбасары Римма Ратникова, Россия Дәүләт Думасы депутаты Ирек Зиннуров һәм башкалар катнашты.

Татарстан Яшьләр эшләре министры Дамир Фәттахов үз чиратында яшьләр эшләре министрлыгы студентлар үз-үзләрен тормышка ашыру өчен мөмкинлекләр тапсын өчен кулдан килгәннең барысын да эшләячәген ассызыклады. 

"Тулай торакның студентлар советы" номинациясендә Яр Чаллы педагогика көллиятенең тулай торактагы студентлар советы җиңүче булды. Бу номинациядә бүләкләрне Татарстан Республикасының инвестицион үсеш агентлыгы җитәкчесе Талия Миңнуллина тапшырды.

Аннары «Ел журналисты» номинациясендә Яр Чаллы медицина көллиятеннән Алинә Җамалиева җиңүче булды.

«Елның иҗади шәхесе» номинациясендә Яр Чаллы педагогика көллиятеннән Анастасия Красильникова җиңү яулады. Ул кичәнең иҗади программасында, «Неоновый закат» төркеме составында үз җырын башкарды. «Елның студентлар массакүләм мәгълүмат чаралары» номинациясендә Яр Чаллы медицина колледжыннан «Гиппократ» газетасы лауреат булды.