18 мартта Татарстан Республикасы сәнәгать һәм сәүдә министрлыгында «Россия Федерациясендә сәүдә эшчәнлеген дәүләт җайга салуы нигезләре турында» Федераль законга һәм «Россия Федерациясендә җирле үзидарә оештыруның гомуми принциплары турында «Федераль законның 28 маддәсенә үзгәрешләр кертү хакында» закон проекты буенча фикер алышу узды.
Дискуссиянең инициаторы-Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина. Чарада Россия Федерациясе Сәнәгать һәм сәүдә министрлыгының җаваплы вәкиле Сергей Лобанов, Татарстан Республикасы сәнәгать һәм сәүдә министры Альберт Кәримов, башка министрлыклар һәм ведомстволар, муниципалитетлар һәм республиканың эшмәкәрлек җәмәгатьчелеге вәкилләре катнашты.
"Россия Хөкүмәте тарафыннан эшләнгән һәм Дәүләт Думасына кертелгән закон проекты турында фикер алышу инициаторлыгыма, аның хакында безнең комитет утырышында җитди фикер алышу, федерация субъектларыннан, иҗтимагый оешмалардан һәм эшмәкәрләрнең хокукларын яклау буенча вәкаләтле вәкилләрдән бик күп мөрәҗәгатьләр килүе сәбәпче булды. Карала торган иҗтимагый мөнәсәбәтләрнең зур резонансын исәпкә алып, мин аның буенча республикада өстәмә рәвештә фикер алышырга кирәк дип саныйм. Бер яктан, кече бизнес вәкилләре, фермерлар, үзмәшгульләр әлеге закон проектының яңалыкларыннан файдаланып, арадашчылардан башка үз продукциясен сатарга өметләнә, икенче яктан, шәһәр хакимияте 90нчы елларны һәм хаотик сәүдәне кире кайтарудан курка.
Закон проекты Россия Хөкүмәте тарафыннан дүрт ел дәвамында эшләнде. Дәүләт Думасының икътисад сәясәте, сәнәгать, инновацион үсеш һәм эшмәкәрлек комитеты аның концепциясен хуплады, минем бурыч «түгәрәк өстәл» тәкъдимнәренә нигезләнеп, минем тарафтан якланырга тиешле сыйфатлы һәм гадел төзәтмәләр формалаштыру”, - дип шәрехләде Әлфия Когогина.
При использовании информации просьба ссылаться на Управление информационной политики и по связям с общественностью.
Дүшәмбе, 18 март 2019, 15:33