20 марттан 30 апрельгә кадәр Татарстан Республикасының Архив эше буенча Дәүләт комитеты “Минем шәҗәрәм” генеалогик тикшеренүләр республика конкурсын үткәрә. Конкурс төрле яшь төркемнәре өчен исәпләнгән. Беренче төркем – 1-4 сыйныф укучылары. Катнашучыларга иҗади эш тәкъдим итәргә кирәк: гаилә агачы рәсеме, комментарийлар, коллажлар, схемалар, плакатлар, аппликация, табигый материал һәм тукымадан файдаланып күләмле эш (бер катнашучыдан эш күләме чикләнми). Икенче төркем – 5-8 сыйныф укучылары. Катнашучыларга иҗади эш тәкъдим итәргә кирәк: гаилә шәҗәрәсе рәсеме, комментарийлар, коллажлар, схемалар, плакатлар, аппликация, табигый материал һәм тукыма кулланып күләмле эш һәм язма эш: реферат, эссе, инша һәм башкалар. Өченче төркем – 9-11 сыйныф укучылары. Катнашучыларга теләсә нинди форматтагы тикшеренү эшен тәкъдим итәргә кирәк: язма эш, видеохезмәтләр (гаилә тарихы турында өй фильмнары 10 минутка кадәр дәвам итә, презентация). Дүртенче төркем – 18 яшькә кадәрге һөнәри белем бирү оешмалары студентлары. Катнашучылар архив документлары нигезендә проект-тикшеренү эшен тәкъдим итәләр: фәнни хисап, фәнни мәкалә, доклад. Бишенче төркем –18 яшьтән өлкәнрәк Татарстан халкы. Катнашучыларга язма эшләр (форма: эссе яки мәкалә), генеалогик схемалар һәм борынгы әйберләр, гаилә тарихы турында фильмнар, презентацияләр тәкъдим итәргә кирәк.
Конкурста җиңүчеләр һәр яшь төркеме буенча аерым билгеләнә. Алар конкурс дипломнары һәм I урын өчен 50 мең сум, II урын өчен 30 мең сум, III урын өчен 20 мең сум күләмендә акчалата премияләр белән бүләкләнә.
2019 елда “Минем шәҗәрәм” генеалогик тикшеренүләрнең Республика конкурсы турында Нигезнамә.
При использовании информации просьба ссылаться на Управление информационной политики и по связям с общественностью.
Сишәмбе, 9 апрель 2019, 13:00