Чаллыда беренче тапкыр шәһәр һәм КАМАЗ төзелешенә багышланган квест узды 

"Заман" яшьләр үзәгендә беренче тапкыр шәһәр һәм КАМАЗ төзелешенә багышланган квест узды. Чарада беренче булып 15нче мәктәпнең 5-6 сыйныф укучылары катнашты. Балалар Яр Чаллы шәһәре һәм КАМАЗ автогиганты төзелешен башлауның җитмешенче ел атмосферасына чумдылар, ул еллардагы тарихи фактлар һәм истәлекле вакыйгалар белән бәйле биремнәр башкардылар.

 «Заман» яшьләр үзәгенең «Көнкүреш» күргәзмә-кунакханәсе квестның кульминациясе булды, анда балалар күп кенә кызыклы мәгълүмат алдылар, «вагончы» интерьерын – шәһәрнең беренче кешеләре торагын үз күзләре белән күрделәр.

Чара тематик викторина белән тәмамланды, аның барышында балалар үзләрен тикшерделәр һәм квест барышында алган белемнәрен бәяләделәр. Мондый чараларны атна саен үткәрергә планлаштыралар.