Әлфия Когогина Чаллы гаиләләренә ана капиталы сертификатын тапшырды

Бүген "Энергетик" мәдәният сараенда ана капиталы сертификатын тапшыру тантанасы узды.

Гаиләләрне балалары туу белән РФ Дәүләт Думасы депутаты Әлфия Когогина котлады. Ул ана капиталы сертификатын тапшырды, аны куллануның төп юнәлешләрен искә төшереп, әлеге сертификат дәүләттән сизелерлек ярдәм булыр дип өмет белдерде.

Чакырылган кунакларга җылы теләкләрен ЗАГС идарәсе башлыгы Равилә Зарипова һәм Пенсия фонды идарәсе башлыгы, шәһәр Советы депутаты Эдуард Фәттахов җиткерде.

Программаны гамәлгә ашыра башлаганнан бирле (2007 елның 1 гыйнвары) Чаллыда 40 меңнән артык сертификат бирелгән, 12,8 млрд сумнан артык суммага 33.376 гаилә ана капиталы акчаларын файдаланган.

Сертификат бирү чаралары белән эш итү турындагы гаризаларны хәзер Россия Пенсия фонды сайтында Гражданинның шәхси кабинеты аша электрон рәвештә тапшырырга мөмкин.