21 апрель көнне 17:00 сәгатьтә шәһәрнең иң өлкән үзешчән коллективларының берсе - Татарстан Республикасының атказанган мәдәният хезмәткәре, Россия Федерациясенең атказанган укытучысы Лениза Баһаветдинова җитәкчелегендәге «КАМАЗ» мәдәният йорты ветераннарының рус җыры халык хоры отчет концерты белән чыгыш ясаячак.
Иҗади чара хорның беренче җитәкчеләре: ТРның атказанган хезмәткәре Александр Горбунов һәм РФ гомуми белем бирү өлкәсенең мактаулы хезмәткәре Шамил Мөхәммәтгалиевка багышланган.
Концерт программасында тамашачылар яратып өлгергән җырлар да, яңа әсәрләр дә яңгыраячак.
Концертта шулай ук «КАМАЗ» мәдәният сараеның иҗат коллективлары: «Вдохновение» хореография коллективы һәм "Наигрыш" халык уен кораллары ансамбле катнашачак. Керү ирекле.
При использовании информации просьба ссылаться на Управление информационной политики и по связям с общественностью.
Чәршәмбе, 17 апрель 2019, 13:21