"Шатлык" яшьләр үзәгендә "Татар егете – 2019" региональ конкурсының финалы узды. Конкурсның финалында Татарстан шәһәрләре һәм районнарыннан 9 егет катнашты. Аларга җиңелләрдән булмаган сынаулар узарга туры килде: «Әгәр мин президент булсам» темасына чыгыш ясарга, үз куллары белән эшләнгән әйберләрне тәкъдим итәргә кирәк иде. Гер спорты буенча көч сынашу - иң көтеп алынган һәм мавыктыргыч ярышларның берсе булды.
Конкурс нәтиҗәләре буенча төрле номинацияләрдә җиңүчеләр ачыкланды:
- «Милли җанлы егет» – Мөрәдимов Динар, Яңа Чишмә районы;
- «Кызлар куңелен яулаган егет» – Хуҗин Динар, Яр Чаллы;
- «Тамашачы мәхәббәтен яулаган егет» ‒ Төхбәтуллин Рифат, Яр Чаллы;
- «Уңган егет» – Сәйфетдинов Булат, Балык Бистәсе районы;
- «Шаян егет» – Галиев Нияз, Яр Чаллы;
- «Тапкыр егет» – Илдар Шәяхмәтов, Актаныш районы;
- «Иң оста җырлаучы егет» – Гаскаров Риназ, Яр Чаллы;
- «Сөйкемле егет» – Җиһаншин Салават, Балык Бистәсе районы;
- «Оста куллы егет» – Шәйгалләмов Нәзиф, Сарман районы.
Конкурсның җиңүчесе һәм «Татар егете – 2019» титулына Хуҗин Динар ия булды.
При использовании информации просьба ссылаться на Управление информационной политики и по связям с общественностью.
Дүшәмбе, 15 апрель 2019, 16:30