Кул көрәше ярышларына Яр Чаллыда 150дән артык спортчы җыелды

Чаллыда Космонавтика көненә багышланган хәрби кул көрәше буенча ачык шәхси беренчелек узды. Ярышлар «Ватан уллары» партия проектын тормышка ашыру кысаларында оештырылды. Анда Татарстан Республикасы, Киров өлкәсе һәм Удмуртия Республикасының 15 командадан 158 спортчы катнашты. Чаллы спортчылары 8 команда тәкъдим итте.

 «Ватан уллары» проекты «Бердәм Россия» партиясенең җирле бүлекчәсе тарафыннан тормышка ашырыла. Аның максаты  – балалар һәм яшьләрнең шәхесләрен төрле яклап үстерү, интеллектуаль, әхлакый һәм физик камилләштерү, шулай ук яшьләрдә хәрби хезмәт үтүгә уңай мотивация формалаштыру. Проектның координаторы - «Бердәм Россия» Бөтенроссия сәяси партиясенең Татарстан төбәк бүлеге сәяси советы әгъзасы Александр Глазистов, шәһәр Советы депутаты Михаил Левашов.