Яр Чаллы шәһәренең "Нур" яшьләр үзәгендә "Чәк-чәк" бәйрәме оештырдылар

"Мизгел" милли мәдәният клубы «Чәк-чәк» бәйрәме кысаларында татар телендә "Дөнья халыклары кухнясы" дигән интеллектуаль уен оештырды. Уен "Нур" яшьләр үзәгендә узды. Катнашучылар кухня, география һәм мәдәният юнәлешләре буенча сорауларга җавап бирделәр. Ярышларда Казан (Идел буе) федераль университетының сәүдә-технология көллияте, педагогия көллияте, Казан (Идел буе) федераль университетының фәнни-техник институты, шәһәрнең 15 нче мәктәбеннән дүрт команда катнашты.

Интеллектуаль уен нәтиҗәләре буенча 1 нче урынны «Ширбәт» командасы яулады, 2 нче урынны «КФУның Яр Чаллы институты» командасы, 3 нче урынны «Матур кызлар» командасы (15 нче мәктәп) алды. Катнашучылар интеллектуаль уен оештыручылардан дипломнар һәм Рәхмәт хатлары белән бүләкләнделәр. Әлеге чара интерактив заманча татар дискотекасы белән тәмамланды.