«Яр буе» паркы мәйданында Бөек җиңү көнен бәйрәм итү «Җиңү Салюты» театральләшкән тамашасы белән дәвам итте. Чара "Үлемсез полк" маршы белән башланып китте. Хәсән Туфан проспекты буенча мэрия бинасыннан узган колонна үз юлын мәйданда тәмамлады.
Чаллылыларны әлеге истәлекле көн уңаеннан шәһәр мэры Наил Мәһдиев котлады: «Сезне чын күңелдән илебезнең төп бәйрәме - Бөек Җиңү көне белән котлыйм! 9 Май - бөтен дөньядагы йөз мең кеше өчен якты һәм шатлыклы көн. Безнең өчен ул иң кадерле һәм изге бәйрәм. Без кешелек тарихында иң куркыныч һәм канкойгыч сугышта фашизмны җиңгән буын варислары булып торабыз», - дип билгеләде шәһәр башлыгы. - Чаллы җире фронтка 14 меңнән артык улын һәм кызын озатты, һәр икенчесе өйләренә әйләнеп кайтмады диярлек. Якташларыбыз Мәскәү һәм Сталинград янында, Курск дугасында һәм партизан отрядларында батырларча көрәште, Днепр һәм Дунай кичте, Ленинград оборонасын алдылар, Праганы азат иттеләр һәм Берлинны алуда катнашты."
ТР Дәүләт Советы депутаты Светлана Захарова Республика президенты Рөстәм Миңнеханов исеменнән котлау сүзләрен укыды: «Бүген без һәлак булганнарның якты истәлеге алдында баш иябез һәм бүгенге көндә исән калган фронтовикларга һәм тыл хезмәтчәннәренә тиешле хөрмәтебезне җиткерәбез. Сезгә зур рәхмәт, хөрмәтле ветераннар, батырлык, хезмәт сөючәнлек, зирәклек, бетмәс-төкәнмәс тормыш оптимизмы һәм туган республикабыз тормышында актив катнашуыгыз өчен! Озын гомер сезгә!» ,- диелә котлауда.
Фронттан кайтмаучылар истәлегенә меңләгән шарны күккә очырдылар. Тамашада шәһәрнең профессиональ иҗат коллективлары, университет һәм көллият студентлары, гомуми белем бирү һәм кадет мәктәпләре укучылары катнашты.
Тамашадан соң, чаллылылар Кызыл мәйданда парад трансляциясен күрә алдылар.
При использовании информации просьба ссылаться на Управление информационной политики и по связям с общественностью.
Пәнҗешәмбе, 9 май 2019, 18:22