Әлфия Когогина: "Моношәһәрләрне үстерү темасын калдырырга мораль хокукым юк"

Дәүләт Думасы депутаты, Дәүләт Думасының икътисад сәясәте, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина Моношәһәрләрне үстерү һәм аларга ярдәм итү мәсьәләсе буенча Дәүләт Думасы утырышында «Бердәм Россия» фракциясе исеменнән чыгыш ясады.

"Агымдагы елның 1 гыйнварыннан моношәһәрләргә ярдәм итү буенча дәүләт программасы вакытыннан алда туктатылды. Ярты елга якын моношәһәрләр билгесезлектә яши. Алга таба ни буласын белмиләр. 2016 елдан гамәлгә ашырыла торган өстенлекле проект вакытыннан алда ябылды. Моношәһәрләр хөкүмәт эшчәнлегенең өстенлекле юнәлеше булып тормый һәм илкүләм проектларны гамәлгә ашыруны мониторинглау системасына эләкми. Без моның белән килешә алмыйбыз. Мин, ике моношәһәрле бер мандатлы округтан сайланган буларак, алар җиде булган төбәкне тәкъдим итә торып, бу теманы калдырырга мораль хокукым юк". 

Депутатлар монопрофильле муниципаль берәмлекләргә ярдәм итүнең яңа федераль программасын эшләргә һәм моношәһәрләр территориясендә милли проектларны гамәлгә ашыруның төп күрсәткечләрен мониторинглау системасын формалаштырырга тәкъдим итәләр.

Шулай ук Әлфия Когогина хокук куллану мәсьәләләрен хәл итәргә, эшнең реаль хәленә бәя бирергә һәм шул рәвешле моношәһәрләрдәге вәзгыять тамырдан үзгәрсен өчен илкүләм проектларны гамәлгә ашыруны оештырырга кирәклеген ассызыклады. Аның сүзләренә караганда, субъектларның Башкарма хакимияте органнары белән берлектә моношәһәрләрнең факттагы социаль-икътисадый хәленә бәя бирергә, социаль йөкләмәләрне үтәү һәм милли проектларны сыйфатлы гамәлгә ашыру өчен бюджет трансферларының оптималь күләмен билгеләргә кирәк.

2016 елда хөкүмәт аерым дәүләт программасын күздә тотып, «Моношәһәр» юнәлешен төп өстенлекләр исәбенә кертте. Ике ел эчендә озак сроклы механизмнар эшли башлады: моношәһәрләрдә 72 алгарышлы социаль-икътисадый үсеш территорияләре булдырылган, кече һәм урта бизнеска ярдәм программалары гамәлгә ашырыла, инфраструктураның яңа объектлары да финанслана. 2019 елның 1 гыйнварыннан «Моношәһәрләрне комплекслы үстерү» өстенлекле программасы вакытыннан алда тәмамланды.