Эшче яшьләр арасында узган май интеллектуаль уенында Чаллының 28 командасы катнашты

"Нур" яшьләр үзәгендә "Эшче яшьләр арасында Престиж кубогы"на интеллектуаль сезонының тугызынчы уены узды. "Җиңү" темасына багышланган май интеллектуаль көрәшендә шәһәр предприятиеләре һәм оешмаларының яшь белгечләре командалары катнашты. Уен нәтиҗәләре буенча «IQ-404» җыелма командасы лидер булды, 2 урында - «Инструмент» командасы («КАМАЗ» ААҖ ремонт-инструменталь заводы), 3 урында – «51 параллель» («КАМАЗ» ААҖ кою заводы).

Оештыручылар: "Яр Чаллы шәһәре предприятиеләре һәм оешмаларының яшьләр советы", "Интеллект" һәм «Заман» яшьләр үзәге, Мәгариф һәм яшьләр эшләре идарәсенең яшьләр белән эшләү бүлеге.