Яр Чаллыда Шәһәр Советының XXXI утырышында урамнар, шәһәр җәмәгать транспортының тукталыш пунктларына исем бирү һәм урам исемен үзгәртү мәсьәләсе каралды. Доклад белән район Башкарма комитеты җитәкчесе урынбасары Рамил Хәлимов чыгыш ясады. Шулай итеп, «Орловка кыры» территориясендә урнашкан урамнарга топонимика буенча комиссия «Вазил Мәүликов урамы» һәм «Николай Мальнев урамы» исемен бирергә тәкъдим итте. «Озеро» торак төзелешендә урнашкан урамны комиссия «Николай Иванцов урамы» дип атарга тәкъдим итә.
Вазил Салих улы Мәүликов (рәсемдә түбәнрәк) - ташчы, Социалистик Хезмәт Герое, Татарстан Республикасының атказанган төзүчесе һәм шәһәрнең Мактаулы гражданины. Аның бригадасы коллективы (субподрядчы оешмалар катнашында) 30дан артык күп катлы торак йорт, сигез белем бирү мәктәбе, җиде балалар мәктәпкәчә белем бирү учреждениесе һ.б. төзегән.
Николай Дмитриевич Мальнев (рәсемдә түбәнрәк) – көйләүче, Социалистик Хезмәт Герое, шәһәрнең Мактаулы гражданины, Бөек Ватан сугышы ветераны. 1976 елдан "КАМАЗ " автомобиль заводының карданлы валлар цехы бригадиры булып эшли. 1979 елда КАМАЗның иң яхшы бригадирлары белән бергә җитештерү нәтиҗәлелеген һәм эш сыйфатын күтәрү буенча бригадалы комплекслы планнарны эшләү һәм гамәлгә кертү инициаторы булып тора.
Николай Максимович Иванцов (рәсемдә түбәнрәк) – инженер-гидротехника, төзелеш җитештерүен оештыручы, Социалистик Хезмәт герое, СССР Дәүләт премиясе лауреаты һәм шәһәрнең Мактаулы гражданины. Ул заманча проектлар булдыру, корылмалар төзү һәм төзелеш эшләрен оештыруның яңа ысулларын эзләү буенча эш алып барган. Беренче этапта Түбән Кама ГЭС һәм КАМАЗ төзелешен җитәкләгән.
Моторная урамыннан алып шәһәр чигенә кадәр Промышленная урамының бер өлешен
комиссия Haier корпорациясе
урамы дип атарга тәкъдим итте. Элек бу территория исемсез иде. Моннан тыш, Җиңүнең 40 еллыгы урамында җәмәгать транспортының
тукталыш пунктларына "КАМАЗ Картодром" исемен бирү тәкъдиме күтәрелде.
Күпчелек тавыш белән проект карары кабул ителде.
При использовании информации просьба ссылаться на Управление информационной политики и по связям с общественностью.
Пәнҗешәмбе, 23 май 2019, 11:24