«Асылташ»та җәйге мода күрсәттеләр

«Салават күпере» җәйге сәламәтләндерү лагере эше кысаларында «Асылташ» балалар һәм яшүсмерләр өчен социаль приютында тәрбияләнүчеләр арасында мода күрсәтү конкурсы булып узды. Модельләр һәм модельерлар ролендә өлкән һәм урта төркем кызлары чыгыш ясады. Кече кызлар өчен коллекцияне отряд җитәкчеләре әзерләде.

Конкурска социаль приют белгечләреннән торган жюри бәя бирде. Чарада катнашучылар хис-тойгылары белән уртаклаштылар. Кызлар яңа тәҗрибә алдылар, иҗади сәләт ачтылар, үзләрен күрсәтә белүләрен күрсәттеләр, ә иң мөһиме - костюмнар әзерләү процессын, конкурска әзерлек этабын һәм сәхнәгә чыгуларын иң дулкынландыргыч мизгел дип билгеләп үттеләр.