Haier компаниясенең «акыллы заводы» - җитештерүне максималь автоматлаштыру гына түгел, ә акыллы платформалар: логистика белән тәэмин итүче комплектлау, платформа белән дә үзара бәйләнеш булдыру, кулланучылардан кире элемтә ала торган процессларны һәм платформаларны автоматлаштыра. Инвестицион проектны тормышка ашыру турында тулырак мәгълүмат белән Башкарма комитет җитәкчесе урынбасары Эльдар Тимергалиев чыгыш ясады. 5 июньдә Кремльдә «акыллы завод» төзелеше турындагы меморандумга кул куелды.
«Беренче платформа комплектлаучы локаль җитештерүчеләрне берләштерә. Безнең бизнесменнар яңа заказлар алачак, яңа эш урыннары булдырачак. Ә иң мөһиме - алар үз продукциясе белән тәэмин итү буенча дөнья чылбырына интеграцияләнгән булырга мөмкин. Аларда дөнья базарына чыгу өчен инструмент барлыкка киләчәк. Дөнья базарында комплектлау буенча конкуренция дәрәҗәсе югары, шуңа бәйле рәвештә җитештерелә торган комплектлау матдәләренең сыйфаты да күтәреләчәк», - дип сөйләде Эльдар Тимергалиев.
Моннан тыш, платформа кулланучыларга дизайнер һәм техник характеристикалар буенча кирәкле товар җитештерергә мөмкинлек бирәчәк. Болар барысы да масштаблы шәхси заказга берләштереләчәк: «Автоматлаштырылган платформа безнең кулланучыларның ихтыяҗларын өйрәнәчәк һәм бер ай эчендә уникаль продуктны базарга чыгарачак», – дип өстәде ул.
Башкарма комитет җитәкчесе урынбасары билгеләп үткәнчә, проектны тормышка ашыру киләсе елга планлаштырылган.
При использовании информации просьба ссылаться на Управление информационной политики и по связям с общественностью.
Дүшәмбе, 10 июнь 2019, 12:41