Чаллы шәһәренең Замелекесье микрорайонында Сабан туе узды

"Замелекесье" шәхси секторында яшәүчеләр "Сабантуй" милли бәйрәме традициясе буенча бистә бәйрәмен билгеләп үттеләр. Чаллылыларны Комсомол районы администрациясе башлыгы Александр Кислов, Шәһәр Советы депутаты Марсель Мингалимов, "Замелекесье" территориаль иҗтимагый үзидарәсе рәисе Фирдәүс Гаянов сәламләделәр. Бәйрәм программасын Татарстан Республикасының атказанган мәдәният хезмәткәре Гөлзада Рзаева алып барды. Кунаклар өчен "Энергетик" мәдәният сараеның иҗат коллективлары чыгыш ясады. Әлеге чарада шәһәр Советы депутатлары Марсель Мингалимов һәм Олег Коробченко исеменнән мактаулы гражданнарга һәм бистә активистларына, предприятие җитәкчеләре һәм Замелекесье бистәсендә яшәүчеләрдән бүләкләр тапшырылды.

Бәйрәмнең күңел ачу өлеше программасын көрәш, арм-спорт, капчык белән көрәш, капчык киеп йөгерү, чүлмәк вату, көянтә белән су ташу һәм башка кызыклы конкурслар тәкъдим итте. Барлык спорт төрләре буенча ярышларда җиңүчеләргә кыйммәтле бүләкләр тапшырылды.

Бәйрәм чарасын Комсомоль районы хакимияте ярдәмендә "Замелекесье" территориаль иҗтимагый үзидарәсе рәисе Фирдәүс Гаянов оештырды.