Бүген шәһәр Советында Гражданнарның сәламәтлеген саклау һәм социаль яклау мәсьәләләре буенча даими комиссия утырышы булды. Көн тәртибенә күп балалы гаиләләргә ярдәм итү чаралары турында мәсьәлә чыгарылды. Утырышны бу темага доклад белән шәһәр Башкарма комитеты җитәкчесе урынбасары Рамил Хәлимов ачты. Ул Чаллыда яшәүчеләрнең әлеге категориясе өчен нинди субсидияләр каралуы турында сөйләде. Әйтик, автокалада күп балалы гаиләләргә коммуналь хезмәтләргә түләү чыгымнарына 30% күләмендә субсидия бирелә. Шулай ук гомуми белем бирү учреждениесендә укучы балаларга дару чаралары һәм юл йөрү өчен субсидия каралган. Шуны да билгеләп үтәргә кирәк, хәзерге вакытта Яр Чаллыда 4 337 күп балалы гаилә яши.
Шулай ук шәһәрдә өч һәм аннан да күбрәк бала тәрбияләүче гаиләләргә бушлай җир кишәрлекләре табу һәм аларны гаиләләргә бирү эше дәвам итә. Исегезгә төшерәбез, Татарстан Республикасы Җир кодексы нигезендә алар җир кишәрлекләрен бушлай алалар. Шулай итеп, Яр Чаллыда бу категория гражданнарга Тукай районының Әҗмәкәй авылында (2328 җир кишәрлеге) һәм Сәмәкәй авылында (280 җир кишәрлеге) җир кишәрлекләре бирелде. Бүген 4 409 Чаллы гаиләсе җир алуны көтә.
"Бүгенге көндә дүрт мең гаиләне тәэмин итү өчен 500 га җир кирәк. Муниципаль милектә 101 га җир кишәрлеге бар. Бу Илбухтино авылында 70 га һәм Калмаш поселогында 30 га. Илбухтино авылында ел дәвамында зур эш башкарылды. Бу барлык министрлыклардан раслату, бу участокларны авыл хуҗалыгы җирләреннән торак пунктлар җирләренә күчерү. Калмаш авылы буенча бу процедура 2015 елдан бирле сузылды. Җир һәм мөлкәт мөнәсәбәтләре министрлыгы, Авыл хуҗалыгы министрлыгы расламады. Бүген барысы да раслау алды", – дип аңлатты Башкарма комитетның Җир һәм мөлкәти мөнәсәбәтләр идарәсе башлыгы Ленар Гыйззәтуллин.
При использовании информации просьба ссылаться на Управление информационной политики и по связям с общественностью.
Пәнҗешәмбе, 20 июнь 2019, 15:22