Бүген Яр Чаллы шәһәре мэры Наил Мәһдиев качаклар гаиләсендә кунакта булды, аларның мөрәҗәгатен ил президенты Владимир Путин белән туры линиядә күрсәттеләр. Шәһәр башлыгы гаиләнең барлык әгъзалары белән танышты, балаларның уңышлары, көндәлек тормышта барлыкка килә торган кыенлыклар белән кызыксынды.
Владимир Люлькович Федераль миграция хезмәте идарәсеннән кайтты, ул анда кирәкле барлык документларны тапшырды. «Хәл итәргә кирәк булган иң төп мәсьәлә һәм аннан соң күп кенә мәсьәләләр көн тәртибеннән төшереп калдырылыр иде – бу гражданлыгын, - дип башлады сүзен шәһәр мэры, гаилә башлыгына мөрәҗәгать итеп. – Безнең ил лидерына караганда яхшырак Россия Федерациясе Президенты Владимир Владимирович Путин әйтмәссең. Ул кичә бу закон буенча аңлатма бирде.
Татарстан Республикасы Президенты тагын бер тапкыр сезнең белән очрашырга кушты. Без иртән Татарстан Республикасы Эчке эшләр министры Артем Хохорин белән сөйләштек, ул үзенең кул астындагыларга миграция хезмәтенә кагылышлы йөкләмәләр бирде. Федераль структуралар йөкләмә алды, гамәлдәге закон кысаларында карар табылачак. Сезнең югары булмаган керемнәрегезне исәпкә алып, без матди ярдәм күрсәтәчәкбез», - диде Наил Мәһдиев.
При использовании информации просьба ссылаться на Управление информационной политики и по связям с общественностью.
Җомга, 21 июнь 2019, 16:57