Дәүләт Думасы «Россия Федерациясендә кече һәм урта эшмәкәрлекне үстерү турында» Федераль законга «социаль эшмәкәрлек» һәм «социаль предприятие» төшенчәләрен ныгыту өлешендә үзгәрешләр кертү хакында федераль закон проектын ахыргы укылышта кабул итте.
Дәүләт Думасы депутаты, икътисад, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина әлеге инициативага аңлатма бирде: «Әлеге закон проекты безнең комитетның өстенлекле проектлары исемлегенә керде һәм аның өстендә эшләү барышында әлеге тема буенча парламент тыңлауларында әйтелгән барлык тәкъдимнәр җентекләп өйрәнелде. Нәтиҗәдә, закон проекты текстына төгәл формулировкалар һәм билгеләмәләр кертелде, социаль эшмәкәрлек өлкәсендә МСП субъектларына дәүләт тарафыннан ярдәм итү шартлары билгеләнде, алар ярдәмендә мондый иҗтимагый әһәмиятле эшмәкәрлеккә ярдәм итүнең комплекслы системасы булдырылачак».
Закон проекты «социаль предприятие» һәм «социаль эшмәкәрлек» төшенчәләрен, мондый эшмәкәрләрнең хокукларын һәм бурычларын, әлеге төркемгә кертү критерийларын билгели.
При использовании информации просьба ссылаться на Управление информационной политики и по связям с общественностью.
Пәнҗешәмбе, 11 июль 2019, 16:20