Велоспорт буенча Татарстан Республикасы беренчелеге кысаларында шосседа Илнур Закарин Кубогы узачак. Ярышлар 19-21 июльдә үткәрелә. Беренче узышлар Иштирәк авылында 19 июльдә узачак, ә инде 20 спортчыны Яр Чаллы шәһәренең Хәсән Туфан проспектында "критериум" форматында ярыш көтә.
"Критериум - спортчылар кечкенә генә әйләнә буенча 2-3 километр гына барган ярышларның шундый төре. Һәр әйләнәдә арадаш финиш булачак. Әлеге финишларда алган урыннар өчен очколар биреләчәк. Аннан соң җиңүче тупланган очколар буенча билгеләнә",- дип хәбәр итте Физик культура һәм спорт идарәсе башлыгы Роман Насретдинов.
Ярышлар узу сәбәпле Хәсән Туфан проспекты буенча 11:00дән 20 июль көннәрендә юл ябылачак. Программада 8, 12, 24 километрга егетләр һәм кызлар, юниорлар һәм яшүсмер кызлар, ир-атлар һәм хатын-кызлар арасындагы ярышлар, стартлар каралган. Танылган спортчының ике Кубогы 24 километр дистанциягә тапшырылачак.
21 июльдә ярышлар Металлургия һәм Моторная урамнарында индивидуаль узыш үткәрелә. Илнур Закарин-Team Katusha өчен чыгыш ясаучы Россия шоссей узышчысы. 2013 һәм 2017 елгы шәхси ярышта Россия чемпионы. Хәзерге вакытта Тур де Франс иң дәрәҗәле велоузышта катнаша.
При использовании информации просьба ссылаться на Управление информационной политики и по связям с общественностью.
Сишәмбе, 16 июль 2019, 16:20