ТР Дәүләт Советы Рәисе урынбасары Татьяна Ларионова җитәкчелегендә милли проектларны гамәлгә ашыруны контрольдә тоту буенча эшче төркем Яр Чаллыда төзелә һәм ремонтлана торган объектларны карады. Бүген делегация «Демография» илкүләм проекты кысаларында төзелә торган балалар бакчаларында булды, шулай ук «Куркынычсыз һәм сыйфатлы автомобиль юллары»проекты буенча юлларны ремонтлау барышы белән танышты.
Татьяна Ларионова билгеләп үткәнчә, 2019 елда Татарстанда алты меңнән артык урынга исәпләнгән 29 мәктәпкәчә белем бирү учреждениесен төзү планлаштырыла. Аларның өч меңе ясле яшендәге балалар өчен: "Бу идея нәкъ менә “Демография” илкүләм проектыныкы һәм ул, үзләренең һөнәри күнекмәләрен югалтырга теләмәгән әниләр өчен тизрәк хезмәт коллективына әйләнеп кайту мөмкинлеге бирә. Шул ук вакытта балалар турында кайгыртуны профессиональ тәрбиячеләр һәм аларның ярдәмчеләре үз өстенә ала”, – дип билгеләп үтте Татьяна Ларионова.
Бүгенге көндә Яр Чаллыда өч яшьтән алып җиде яшькә кадәрге балаларны урыннар белән тәэмин итү проблемасы хәл ителгән. Быел шәһәрдә өстәмә алты балалар бакчасы барлыкка киләчәк: «Фаразлаулар буенча бу ел Чаллыга 35% ка ясле яшендәге балаларны мәктәпкәчә учреждениеләрдә урыннар белән тәэмин итү мөмкинлеге бирәчәк. Хәзер чиратта торучыларның берсе. Бер ел эчендә 35% – бу, әлбәттә, бик югары күрсәткеч», - дип өстәде Татьяна Ларионова.
«Бүген төзүчеләр өчен расланган нормативлар буенча алтысы да ел ахырына гына тапшырылырга тиеш – бу ноябрь ахыры-декабрь башы. Әлбәттә, Чаллы хакимиятенең дә максатчанлыгы һәм безнең президентыбыз Рөстәм Нургали улы Миңнеханов тарафыннан бурыч куелуы балаларга 1 сентябрьгә мәктәпкәчә белем бирү учреждениесенә барырга кирәк икән, димәк монда бу җайланма тулысынча тормышка ашырыла. Барлык алты мәктәпкәчә учреждение дә үз ишекләрен агымдагы елның 1 сентябренә ачарга әзер. Бу аеруча сөендерә һәм моны билгеләп үтмичә булмый. Объектларның әзерлек дәрәҗәсе бик югары», – диде Татьяна Ларионова төзелеш объектларын карап чыкканнан соң.
ТР Дәүләт Советы Рәисе урынбасары мәгариф учреждениеләрендә әзерләнгән яңалыкларны да билгеләп үтте. Әйтик, хәзерге вакытта төзелеп килүче «Сабантуй» балалар бакчасында физик мөмкинлекләре чикләнгән балалар өчен махсус төркем оештырылачак: «Мондый балаларның ата-аналары өчен бу аеруча мөһим, бу Чаллының инициативасы да», - диде ул.
"АБВГДЕЙКА" балалар бакчасында төзелеш барышында балалар белән эшләүнең булачак технологияләренә нигез салынды. Бүген бу балалар бакчасын Яр Чаллыда төзеләчәк полилингваль комплекс составына кертү турында Карар кабул ителде.
Чаллыда гамәлгә ашырыла торган икенче масштаблы милли проект – "Куркынычсыз һәм сыйфатлы автомобиль юллары". Ремонт безнең юлчыларның җаваплылыгы белән башкарыла. Бу эшләрне башкару өчен сайлап алынган сыйфатлы материаллар да зур роль уйный. Үз чиратында бу, физик мөмкинлекләре чикләнгән кешеләр турында кайгырту да, чөнки уңайлы мохит буенча барлык таләпләр безнең юлчылар өчен иң әһәмиятлесе булып тора...», - дип билгеләде Татьяна Ларионова.
Ул билгеләп үткәнчә, узган ел Яр Чаллыда җиде мең км юл төзекләндерелгән булса, быел 17 мең км дан артык ремонт ясала.
При использовании информации просьба ссылаться на Управление информационной политики и по связям с общественностью.
Җомга, 12 июль 2019, 15:38