Наил Мәһдиев Чаллы спортчылары белән очрашты

Яр Чаллы шәһәре мэры Наил Мәһдиев XXX җәйге Универсиаданың Бөтендөнья студентлар-яшьләр ярышларында медальләр белән кайтучы спортчылар белән очрашты. Ярышлар Италиянең Неаполь шәһәрендә 3 июльдән 14 июльгә кадәр барды. Яр Чаллы данын Россия җыелма командасы составында дүрт спортчы яклады: Рафаэль Камалов, Булат Габделбәров (тхэквондо ВТФ), Ирина Приходько (йөзү), Юлия Анисимова (хатын-кызлар футболы). Чаллы спортчылары ил җыелмасы копилкасына медаль китерде. Рафаэль Камалов һәм Юлия Анисимова бронза медальләр алдылар. Берьюлы ике бүләк – "бронза" һәм "көмеш"не Ирина Приходько яулады. Шунысын да билгеләп үтәргә кирәк, Россия җыелма командасы әлеге ярышларда 82 медаль яулады, аларның 14ен Татарстан спортчылары тәэмин итте.

Очрашу уңаеннан шәһәр башлыгы автокала спортчыларын ирешкән уңышлары белән котлады.

Очрашу дустанә әңгәмә форматында узды. Сөйләшү вакытында шәһәр мэры якындагы елларда төзергә һәм ремонтларга планлаштырылган спорт объектлары турында сөйләде. "Быел тагын бер йөзү бассейны, ясалма бозлы ике ябык боз аренасы төзи башлыйбыз. Планда "Витязь"спорт комплексын яңарту. Аннан соң "Олимпия" булачак. Ел саен бер эре спорт объекты буенча ремонт ясау бурычын куябыз. Мәктәпләрне ел саен ике йөзү бассейны белән төзибез", - дип аңлатты мэр.

Спортчылар Рафаэль Камалов һәм Булат Габделбәров- Яр Чаллы дәүләт педагогия университеты студентлары. Тхэквондочылар Н2О спорт клубында шөгыльләнә. Балалар тренеры Сергей Титкин Яр Чаллы дәүләт педагогия университеты җитәкчелеге күрсәткән ярдәм турында сөйләде.

Идел буе дәүләт физик культура һәм спорт академиясе студенты Ирина Приходько "Олимпийский" спорт мәктәбендә шөгыльләнә. Очрашуда ул үзенең тренеры Ирина Алифашкина белән булды. 

Очрашу ахырында спортчыларга һәм тренерларга шәһәр Мэрының Рәхмәт хатлары тапшырылды.

Бүләкләү фотоларын "Вконтакте"челтәренең "Яр Чаллы шәһәре администрациясе" төркемендә карарга була.