Шәһәр мэры Наил Мәһдиев бүген Башкортстанда юл-транспорт һәлакәтендә зыян күрүче чаллылылар янына барды. Бүген шәһәр хастаханәләрендә зыян күргән өч кеше бар, шуларның берсе – яшүсмер. Тагын ике чаллылы Уфа хастаханәсендә.
12 яшьлек үсмер һәлакәт вакытында автобуста әтисе белән бергә булган-ул бүген Ашыгыч медицина ярдәме хастаханәсендә дәваланучылар рәтендә. Ул бик җитди җәрәхәт алган, шуңа күрә әлегә дәвалануын дәвам итә. Бу турыда КБМҮнең баш табибы
Тимур Мөбәрәкшин хәбәр итте.
Малай хоккей һәм футбол белән мавыгуы турында сөйләде.
Наил Мәһдиев билгеләп үткәнчә, якын арада шәһәрдә мәктәп укучысы шөгыльләнә алачак яңа спорт объектлары барлыкка киләчәк. Яшь чаллылының әнисе шәһәр башлыгына хәл белергә килергә вакыт тапканы өчен рәхмәт белдерде.
Алга таба мэр Ашыгыч медицина ярдәме хастаханәсендә булды, анда табиблар күзәтүе астында зыян күргән ике
кеше кала. 34 яшьлек ир-ат компрессион сынулар алган. Аны дәвалау белән тәҗрибәле табиб-травматолог Илдар Хөрмәтов шөгыльләнә.
Тагын бер зыян күрүче, 40 яшьлек хатын-кыз шәһәр башлыгына көн саен балалары хәлен белергә килүләре турында сөйләде. Моннан тыш, ул зыян күрүчеләргә «Лидер-Транс» компаниясе җитәкчесе зур ярдәм күрсәтә, дип билгеләп үтте.
Наил Мәһдиев зыян күрүчеләргә тизрәк терелүләрен теләде һәм күчтәнәчләр тапшырды. Тагын ике Чаллы кешесе хәзерге вакытта Уфаның хастаханәсендә дәвалану уза. Имгәнүләре җитди булу нәтиҗәсендә аларны Яр Чаллыга җибәрү мөмкин түгел. Бүген хәлләре тотрыклангач бу ике шәһәрдәшебезне Чаллыга күчерү турында сөйләшүләр алып барыла.
При использовании информации просьба ссылаться на Управление информационной политики и по связям с общественностью.
