Чаллыда социаль ипотека буенча бирелә торган фатирлар саны дүрт тапкыр арта. Быел торакны файдалануга тапшыру узган ел белән чагыштырганда күбрәк булачак һәм 310 мең кв. метр тәшкил итәчәк. Бу 10 күпкатлы торак йорт, анда 1 166 фатир тапшырылачак. Исегезгә төшерәбез, узган ел социаль ипотека программасы буенча автокалада 450 фатир тапшырылган иде.
"Агымдагы елда Татарстан Республикасы президенты каршындагы Дәүләт торак фондының инвестиция чыгымнары белән 1166 фатирга исәпләнгән 63/11,63/12, 63/15, 63/01 йорт төзелешенә акча каралган. Май аенда Татарстан Республикасы президенты Рөстәм Миңнеханов катнашында 403 фатирлы 63/15 торак йорт файдалануга тапшырылды. Фатирлар дәүләт программасында катнашучы предприятиеләр һәм бюджет хезмәткәрләре арасында бүленгән иде. Ике фатирны Бөек Ватан сугышы ветераннарының тол хатыннары алды. 32 фатир ятим балаларга бирелде. Калган өч йорт 63/11, 63/12, 63/01 (763 фатир) ел ахырына кадәр файдалануга тапшырылачак. Шулай итеп, 2020 ел башына Социаль ипотека буенча чират 1537 гаилә тәшкил итәчәк", – дип сөйләде «эшлекле дүшәмбе» киңәшмәсендә Башкарма комитет җитәкчесе урынбасары Илмир Исхаков.
При использовании информации просьба ссылаться на Управление информационной политики и по связям с общественностью.
Дүшәмбе, 22 июль 2019, 09:39