Яр Чаллыда яшьләр арасында пляж волейболы буенча турнир тәмамланды

"Sundale" пляж клубында шәһәр предприятиеләре һәм учреждениеләре яшьләре арасында пляж волейболы буенча ел саен үткәрелә торган турнир тәмамланды. Уеннар 8 июль көнне 18:00дән 21:00 сәгатькә кадәр барды. Спорт чарасында сәламләү сүзе белән Яр Чаллы шәһәренең волейбол федерациясе башкарма директоры Сергей Волобуев чыгыш ясады.

Турнир нәтиҗәләре буенча ир - атлар лигасында призерлар өчлеге: 1 урын - "Татэнерго" АҖ филиалы Чаллы ТЭЦы; 2 урын - "Татэнерго" АҖ филиалы Түбән Кама ГЭСы; 3 урын - «КАМАЗ» ААҖ генераль директоры урынбасары блогы. Хатын - кызлар лигасында призерлар: 1 урын - «Яр Чаллы Волейбол федерациясе»; 2 урын - «Яр Чаллы Волейбол федерациясе», 3 урын - «АТЛ Регион».

Барлык командаларга да акчалата сертификатлар, медальләр һәм дипломнар тапшырылды. Җиңүчеләр күчмә кубокларга ия булды.