Чаллы яшь армиячеләре хәрби-спорт әзерлегендә ярыштылар

"Крылатый" сәламәтләндерү лагере базасында «Юнармия» II шәһәр профильле хәрби-патриотик сменасы узды. Сменада катнашучылар өчен түбәндәге чаралар оештырылды: «Лазертаг» хәрби-тактик уены; пневматик винтовкадан ату буенча шәхси һәм команда беренчелеге; кул сугышы нигезләре буенча мастер-класс; ДОСААФ хәрби техникасы күргәзмәсе; «Дислокация операциясе» уены; психотренинг уеннары; туристлык һәм сафта әзерлек буенча дәресләр, кыяга менү буенча мастер-класс; техник модельләштерү буенча мастер-класс; җирлектә ориентлашу буенча спорт-туристик уен, топографик карта буенча юнәлеш бирү; наркотикларга каршы квест-«Киләчәккә юл»уены.

Яшь армиячеләр Әфганстан республикасында сугышчан хәрәкәтләр ветераны Виктор Горылышев белән очраштылар. Ул үзенең биографиясе, хезмәт юлы турында сөйләде, армиядә хезмәт итү турындагы хатирәләре белән уртаклашты.

Сменаның барлык яшь армиячеләренә актив катнашкан өчен дипломнар һәм «Юнармия» символикасы төшерелгән истәлекле сувенирлар тапшырылды.