Чаллыда Калмыкия рәссамнары күргәзмәсе ачылды

Бүген Чаллы картиналар галереясенең зур залында ТАССРның 100 еллыгына багышланган «Татарстанда Калмыкия рәссамнары» күргәзмәсен ачу тантанасы булды. Составы буенча тәкъдим ителгән күргәзмә (26 автор, 74 сынлы сәнгать һәм халык иҗаты әсәрләре) катнашучыларның күптөрлелеге һәм ачыклыгы, сәнгать манералары, гомуми төс палитрасы байлыгы, фантазиянең кыюлыгы һәм иҗади эзләнүнең кыюлыгы белән сөендерәчәк.

Калмыкия рәссамнары тематик картинада, портретта, пейзаж, натюрмортта үз Ватанының тарихи үткәнен һәм хәзергесен чагылдыра, үзенең тоткан урыны турында уйлана. Күргәзмә проектының сәнгать эшләрендә Калмыкиягә генә хас үзенчәлек хөкем сөрә. Бу экспозицияләр әле башлап кына килүче яшь рәссамнарга да, инде җитлеккән сәнгать осталарына да кызыклы булачак дип саный оештыручылар.

Әлеге чарада музыкаль котлау белән 3 нче балалар музыка мәктәбе укучылары чыгыш ясады. Күргәзмә 1 сентябрьгә кадәр дәвам итәчәк.