Яр Чаллыда капиталь ремонттан соң «Алый парус» яшүсмерләр клубы ачылды. Учреждение «Яшүсмер» яшүсмерләр-яшьләр клублары үзәге составына керә һәм 46 ел эшли, бу вакыт эчендә анда капиталь ремонт үткәрелмәгән. Ачылу тантанасында Яр Чаллы шәһәре мэры Наил Мәһдиев, РФ Дәүләт Думасы депутаты Әлфия Когогина һәм ТР Дәүләт Советы депутаты Илдар Шамилов катнашты.
59 кв.м мәйданлы бина тулысынча үзгәрде. Төзүчеләр учреждениенең фасадын яңарттылар, инженерлык челтәрләрен ремонтладылар, асылмалы тавышны изоляцияләүче түшәмнәрне, шулай ук идәннәрне төзекләндерделәр. Объектта эшләрне «Медик» төзелеш компаниясе башкарды.
Ремонт эшләренең бәясе 1 млн 300 мең сум тәшкил иткән, шуның 200 мең сумы клубны җиһазландыруга тотылган. Шәһәр башлыгы башкарылган эшләрнең нәтиҗәсен югары бәяләде.
Чаллыда бүген 26 яшүсмерләр-яшьләр клубы, 14 хоккей корты, «Яшүсмер» яшүсмерләр-яшьләр клублары үзәгенә Берләшкән «Экстрим-парк» эшли. Татарстан Республикасы яшүсмерләр-яшьләр клубларының капиталь ремонт һәм матди базасын ныгыту буенча республика программасы 2015 елдан бирле тормышка ашырыла.
При использовании информации просьба ссылаться на Управление информационной политики и по связям с общественностью.
