Яр Чаллыда Haier Кытай компаниясенең кер юу машиналарын җитештерү заводын эшләтеп җибәрүгә әзерләнә. Бүген җитештерү мәйданчыкларын Чаллы шәһәре мэры Наил Мәһдиев карап чыкты.
Заводта барлыгы 380 кеше эшләячәк. Әйтик, сыйфат контроле бүлеге җитәкчесе Рамил Мәҗитов монда Ford Sollers заводыннан эшләргә килде, ул ябылган иде: "Монда мин дүрт ай, җитештерү бик охшаш, бер үк диярлек", - дип аңлатты ул. Мэр эш шартлары, хезмәт хакы белән кызыксынды.
Мэрга кер юу машиналары өчен барабаннар чыгарудан алып аларны тулысынча җыюга кадәр җитештерү технологиясен күрсәттеләр. Һәр участокта җитәкчеләр бар инде, белгечләр туплау бара. Завод 60%ка комплектланган. Хәзерге вакытта пластмасса кою, металл эшләнмәләр штамплау, шулай ук әзер продукцияне буяу буенча белгечләр кирәк.
Кытай компаниясенең кер юу машиналары җитештерү заводына инвестицияләре 50 млн доллар тәшкил иткән. Мәйданы 30 мең кв метр булган төзелеш объектының подрядчысы - «Евростиль» төзелеш компаниясе.
"Әгәр Haier дөнья компаниясе үз эшен Мәскәү, Питер һәм башка компанияләрдән түгел, ә бездә заказ бирә икән, димәк бу Чаллы компаниясенең – төзелеш өлкәсендә югары компетенцияләре булуы турында сөйли", - дип ассызыклады шәһәр башлыгы.
Яңа заводтан беренче кер юу машиналары быел ук базарда пәйда булыр дип көтелә. Россия базары өчен махсус модель әзерләнгән - ул күп урын алмый, әмма сыйдырышлылыгы белән аерылып тора.
При использовании информации просьба ссылаться на Управление информационной политики и по связям с общественностью.
