Бүген Яр Чаллыда «Акварель» чәчәк бәйрәме уза. Чәчәкләрдән композицияләрне ике көн, 30-31 август көннәрендә күрергә мөмкин булачак.
![](/upload/files/user/букет.jpg)
![](/upload/files/user/букет_1.jpg)
![](/upload/files/user/букет_2.jpg)
Чәчәк шәһәрчеге Хәсән Туфан проспекты буенча Чулман проспектыннан Раскольников урамына кадәр урнашкан. Мәйданга керү юлында мәктәпкәчә белем бирү учреждениеләреннән, шәһәрнең мәгариф оешмаларыннан чәчәк картиналары күргәзмәсе оештырылган иде.
![](/upload/files/user/картины1.jpg)
Бүген фестиваль кысаларында иң яхшы эшләр билгеләп үтеләчәк: чәчәкләрдән ясалган картиналар, колонналар яки аркалар, маскарад костюмнары, күләмле чәчәк композицияләре, чәчәк түтәлләре, иң яхшы йорт һәм ишегалды. Чаллылыларга шулай ук бу елның чәчәкләр патшабикәсен да игълан итәчәкләр.
![](/upload/files/user/й.jpg)
![](/upload/files/user/й1.jpg)
Фестивальдә мәгариф һәм мәктәпкәчә белем бирү учреждениеләре, финанс, спорт, мәдәният, социаль яклау идарәләре катнаша. Чаллылыларны шулай ук автокаланың идарәче компанияләре һәм оешмалары да сөендерәчәк: «Үзәк», «Камстройсервис», «Электротехников», «Горкоммунхоз», сәламәтлек саклау идарәсе, Горзеленхоз һәм башкалар.
![](/upload/files/user/фестиваль_цветов1.jpg)
![](/upload/files/user/фест._цветов_1.jpg)
![](/upload/files/user/фе3.jpg)
![](/upload/files/user/фе_4.jpg)
![](/upload/files/user/фе_5.jpg)
![](/upload/files/user/фе_6.jpg)
![](/upload/files/user/фе_7.jpg)
При использовании информации просьба ссылаться на Управление информационной политики и по связям с общественностью.