Картиналар галереясенең кече залында "Рәссам Александр Халдеев истәлегенә"дигән күргәзмә ачылды. Рәссам иҗаты фәлсәфи һәм фаҗигале. Аның персонажларында тормыш драматизмы чагыла. Аның шәһәр пейзажлары трагизм белән сугарылган.
![](/upload/files/user/выставка1.JPG)
Александр Валерьевич Халдеев, талантлы график рәссам. 1959 елның 10 июнендә Түбән Новгород өлкәсенең Бор шәһәрендә туа. 1986 елда Магнитогорск дәүләт педагогия институтының сәнгать-график факультетын тәмамлый. 1993 елдан – Россия Рәссамнар берлеге әгъзасы. Яр Чаллы шәһәрендә яшәгән һәм эшләгән. Югары уку йортында укуны тәмамлауга ук А. Халдеев үзенең педагогик эшчәнлеген Яр Чаллы дәүләт педагогия институтында сәнгать-график факультетында башлап җибәрә. Аннан соң эшен Кама сәнгать һәм дизайн институтында дәвам итте. Бу вакыт эчендә ул талантлы рәссамнар, педагоглар, дизайнерлар, сәнгать белгечләре тәрбияләгән. Алар арасында рәссамнар-РФ Рәссамнар берлеге әгъзалары, педагогия фәннәре галимнәре-кандидатлары, дизайнерлар-«Дизайнерлар берлеге»Халыкара ассоциациясе әгъзалары бар.
![](/upload/files/user/выставка_21.JPG)
А. Халдиев эшләре ТР Дәүләт сынлы сәнгать музее коллекцияләрендә, Әлмәт, Түбән Кама, Менделеевск, Яр Чаллы шәһәрләренең картиналар галереяләрендә, Россия, Италия, Болгария шәхси коллекцияләрендә урын алган.
![](/upload/files/user/выставка_43.JPG)
Күргәзмә 15 октябрьгә кадәр дәвам итәчәк.
При использовании информации просьба ссылаться на Управление информационной политики и по связям с общественностью.