Капиталь ремонттан соң Яр Чаллыда 73 нче «Кечкенә ут» гомуми үсеш төрендәге балалар бакчасы ачылды. Бу – 43 ел элек төзелгән бинада беренче капиталь ремонт. Яр Чаллы шәһәре мэры Наил Мәһдиев, ТР Дәүләт Советы депутаты Роман Мугерман һәм шәһәр Советы депутаты Рәшит Шәмсетдинов педагогларны, әти-әниләрне һәм бакчада тәрбияләнүчеләрне тантаналы вакыйга белән котладылар.
Капиталь ремонттан соң мәктәпкәчә учреждениедә өстәмә ясле төркеме ачылды.
Ремонт нәтиҗәсендә балалар бакчасы янындагы территориядә яңа асфальт һәм парковка барлыкка килде.
«Без балалар бакчасының үзендә генә түгел, якын-тирәдә дә ремонт эшләрен күңелебез белән башкардык: асфальт салу, бетонлау эшләре узды. Микрорайонда яшәүчеләргә, әти-әниләргә уңайлы булсын өчен парковкалар, тротуарлар ясадылар. Без балалар өчен акчаны кызганмыйбыз, чөнки безнең яшь чаллылылар – шәһәрнең киләчәге икәнлеген аңлыйбыз. Биредә КАМАЗның булачак хезмәткәрләре тәрбияләнә, бәлки, шәһәрнең булачак хакиме дә», - дип билгеләде Наил Мәһдиев.
При использовании информации просьба ссылаться на Управление информационной политики и по связям с общественностью.
Чәршәмбе, 4 сентябрь 2019, 10:32