КАМАЗ-Мастер округында яшәүчеләр өчен ишегалды бәйрәме оештырдылар 

Традиция буенча 18/10 йорты территориясендә  ишегалды бәйрәмен билгеләп үттеләр. Балалар һәм аларның әти-әниләре өчен күңелле бәйрәмне Светлана Гурлева җитәкчелегендә 18 комплексның "Надежда-18" ТИҮ командасы әзерләде. Кунаклар өчен «Эврика» яшүсмерләр клубының иҗат коллективлары катнашында бәйрәм концерты, шулай ук конкурслар, мастер-класслар, аквагрим һәм спорт ярышлары белән анимация программасы оештырылды.

Бәйрәмне оештыруда шәһәр Советы депутаты Эдуард Фәттахов финанс ярдәме күрсәтте. Бәйрәмдә ул "Мәктәпкә җыенырга булыш" республика акциясе кысаларында балаларга бүләкләр тапшырды.

Йортлар буенча иң активларны һәм комплекс халкын йорт яны территориясен төзекләндерү өчен бүләкләделәр.