15 яшьлек Дмитрий Метла үзенең МультПРО проекты (http://mult-pro.ru) ярдәмендә Бизнес-инкубаторга сайлап алу узды. Әлеге белем бирү программасы балага мультфильмнар өчен сценарийларны югары профессиональ дәрәҗәдә иҗат итәргә ярдәм итәчәк. Белем бирү курсы нәтиҗәсендә һәр теләгән кеше анимацияләнгән персонажлар белән тулы кыйммәтле анимация картинасын төзи ала.
Өстәмә белем бирү базарында мультфильмнар ясау урыны булмаганлыктан, МультПРО проекты барлыкка килде, анда балалар үз анимацион фильмнарын мавыгып ясый һәм шул рәвешле иҗади сәләтләрен ача алачак.
Дмитрий Метла: "Мин үз идеямне тормышка ашыру өчен ИТ-парк резиденты булырга уйладым һәм хәзер Бизнес-инкубатор кураторлары ярдәмендә бу ниятне тормышка ашырам. Һәр көнне дәресләрдән соң ИТ-паркка ашыгам. Беренче вакытта әти-әниләр минем ни белән шөгыльләнүемне (юридик зат минем әни исеменә ачык булса да, мин әлегә балигъ булмаган) күз алдына китермәде. Соңрак минем хисапка билгеле бер күләмдә акчалар килә башлагач, алар моның чираттагы шөгыль генә түгел, ә җитди бизнес-проект булуын аңлады. Инвестицияләр проектны эшләп бетерергә ярдәм итәчәк, ә әти-әнилә үзләренең барлык танышларына, горурланып: “Улыбыз дәресләрдән соң эшкә йөри!", – дип сөйли башладылар.. Мин барысына да, ничә яшьтә булуларына карамастан, куркып тормаска һәм иң кыю идеяләрне тормышка ашырырга киңәш итәм. Кичектермәгез, ИТ-өлкә бик тиз үсә, иртәгә сезнең бизнес-проект кызык булмаска мөмкин, шуңа күрә идеяләрегезне хәзер үк тормышка ашыра башлагыз!"
При использовании информации просьба ссылаться на Управление информационной политики и по связям с общественностью.
Сишәмбе, 17 сентябрь 2019, 14:39