Чаллы гаиләләренә ана капиталы сертификатлары тапшырылды 

Тантаналар сараенда тантаналы шартларда 52 Чаллы гаиләсенә ана капиталы сертификатлары тапшырылды. Чаллылыларны балалары туу белән Пенсия фонды идарәсе башлыгы, шәһәр Советы депутаты Эдуард Фәттахов котлады һәм сертификатлар тапшырды.

Программаны тормышка ашыра башлаганнан бирле (2007 елның 1 нче гыйнварыннан) Яр Чаллыда барлыгы 41 меңнән артык ана капиталына сертификат бирелгән, 35 мең гаилә 13,4 млрд сумнан артык акча белән эш иткән.

Сертификат бирү, ана капиталы акчалары белән эш итү турында гаризаны хәзер Россия Пенсия фонды сайтында www.pfrf.ru Гражданинның шәхси кабинеты аша электрон рәвештә бирергә мөмкин.